الصبح .. بحب الدنيا والناس وبعد الظهر .. زهقانه و في نص اليوم .. مهمة و كل كلمة بقولها بحساب وع المغرب.. يأن الناي علي شجوني و يعزف للنجوم نغمات .. بليل بقي .. طايرة وسارحة في الملكوت مع كل حكاية ورواية تاخدني لأبعد م الحدود والناس ، وقبل الفجر .. ندمانه و زعلانه من حالي و بسأل كل يوم نفس السؤال .. دلوقتي أحسن !؟
ولا نستني الشروق
يمكن معاه نلاقي الوعد اللي فاتنا وراح و لسه مجاش
و ترجع تاني م الأول مشاعري تتوه وتتحول مع الصبح ونص اليوم و أحس بمنتهي الفوضي .. ركام وحنين وتفاهات وحاجات كتير ملهاش علاقة ببعض راسمه للجنون علامات و أسهل شيء يلم المشهد اللي مش مفهوم
" إنها حقا فوضي مشاعر"
و لابد للفوضي من قمع ، لتقلب ثورة و ساعتها طوفان نفسي هيمحي كل ذكري أنا فيها ويتبقي من اليوم كله هامش التوقيت
و صبح و ليل متفرقش .. تفاصيلك مهاتبنش .. هتبقي حلم وهمي جميل علي الجدران حروفه مكملتش
No comments:
Post a Comment