قلتلها في يوم كنا فيه مخنوقين و زهقانين ومفيش كلام جديد ممكن يتقال ...
أنا : نفسي أبقي حكيمة .. أقول كلام يعبر عن الناس ويؤثر فيهم .. يحبّوا يقروه ويعيشوه زي ما أنا عشته بالضبط .. أكيد ف حياتي تجارب و رؤي ممكن تفيد ناس غيري !؟
خدت نفس طويل ومسحت تحت عنيها بإيديها مبتسمة .. حسيت ساعتها إنها هتقولي حاجة مش هتعجبني بس كنت دائما شغوفة أسمع كلماتها ...
رنا : أنتي نفسك تبقي مفوّهة .. كلامك يطلع عذب و رنّان .. والناس تردده !
عجبتني كلمة مفوّهة أوي زي ما يكون كنت بدوّر عليها و برغم إن معناها مش حلو أوي بالنسبة لي زي الحكمة اللي دايما بجري وراها .. سكت شوية أفكر فى كل إحتمالات الكلمة من معني و أنا مركزة عيني في اللا شيء فكمّلت كلامها ...
رنا : عارفة !؟ .. ممكن تبقي كدة فعلا .. بس دة مش سهل و عشان توصلي له هيفوتك حاجات كتير .. ممكن تبقي أهم من مجرد زخرفة كلمات !
كانت وداعة عينيها أروع من أي حاجة جميلة ممكن أقابلها في يومي .. بتحبني أتكلم و أفضفض لها .. بتلهمني أفكار عمري ما كنت هوصلها لوحدي ، كانت صاحبة بمعني الحضن و السكن و كانت علاقتي بيها لها مذاق روضة ستّنا زينب وستّنا نفيسة .. قدسية ملهاش وجود ع الأرض .. قدسية مكانها بس ف قلوبنا و كانت ....
كانت وداعة عينيها أروع من أي حاجة جميلة ممكن أقابلها في يومي .. بتحبني أتكلم و أفضفض لها .. بتلهمني أفكار عمري ما كنت هوصلها لوحدي ، كانت صاحبة بمعني الحضن و السكن و كانت علاقتي بيها لها مذاق روضة ستّنا زينب وستّنا نفيسة .. قدسية ملهاش وجود ع الأرض .. قدسية مكانها بس ف قلوبنا و كانت ....
No comments:
Post a Comment