و لمّا القلم يقف يضحك عليّا والورقة عاملة فيها مستهبلة و مفيش كلام راضي يحن علي شعوري ويوصفه ببقي عايزة أقولهم :
" يعني أخرج برّة منّي و أسيبكم لوحدكم يعني و لا أيه !!؟ "
بحس كأني اتنين .. واحد ماسك بالقلم ومش عارف يكتب أيه !!؟
و واحد تاني معهوش غير عقل رغّاي مش عارف يسكت و مش معاه القلم !
و دة حالي لمّا أبقي عايزة أقول حاجة أنا نفسي مش عارفة أوصفها .. لمّا مراكز التحكم في مخي تسيطر ع اللا وعي وتمنعه من حق التعبير أو حتي الهذيان !
ولمّا عقلي يحس الوجع وقلبي يفكر ليه دة بقي الحال !!!
بحس إني عاقلة و مجنونة .. عارفة ومش عارفة .. فاهمة ومش فاهمة .. يمكن بوادر # إنفصام #
بس مش هيأس و لأخر نقطة حبر ف قلمي هفضل أكتب كل اللي أنا حاساه ومش فاهماه أحيانا ! ...
No comments:
Post a Comment