شمس الشتا مش أجمل من قمر الصيف و حضن البحر مش أطيب من وسع السما و قهوة الصبح مش ألذ من شوكولاته ع المسا ... بس هي حياتنا بأحاسيسنا و بتفاعلاتها اللي بتلون معني الجمال و الذوق .. حياتنا اللي محتاجة شوية ألوان دافية وحبه رتوش شقية ع الأطراف أو يمكن ساعات تبقي أجمل وهي كلاسيكية بالأبيض والأسود .. شوية تركيز .. حبه تكبير دماغ .. مع قليل من روقان البال تكمل الخلطة السحرية ...
احسبها وبعدين وقّف ومتفكرش كتير.. فلسنا بحاجة لأن نهتم أكثر و نحب أكثر إذا كنا علي أي حال سنفارق .. ابتسم لما تبقي الأبتسامة عملة نادرة و اسكت لما تبقي مش عايز تتكلم .. فالهدوء لغة أصحاب الضجيج الداخلي ولا يقدرها سوي أصحاب العقول المرهقة !
No comments:
Post a Comment