كل
حاجة تنفع .. كل حاجة تنفع تبقي صح و تنفع تبقي غلط .. كل حكاية ليها جانب
إيجابي مشرق و جانب أسود ومهبب .. كل بني آدم جواه الخير والحق و الشر و المصلحة في نفس الوقت .. كل
عمل طيب ممكن يلمسه الرياء ، وكل قسوة و لحظة غضب ممكن يكون جواها رحمة و
طيبة .. مفيش حاجة أسمها 100% غير ف السما بس .. فيها الملايكة و في بطن الأرض ..
راكدة الشياطين
و ما بين السما والأرض ... كل حاجة تنفع !
و من كل لون ممكن يطلع الدفا و البرد ومن كل آفه ممكن يطلع الدواء !
ومن وسط كل الصالحين يتزرع الشيطان و ما بين العصاة المذنبين يلاقي نفسه الملاك وعلشان تفهم الحكاية لازم تسكت شوية و لمّا دماغك توجعك من كتر التفكير يبقي غلوش و أتكلم كتير ومن كتر الغيظ تتعامل بحب و من ظلم العشق تكره .. .
ما أهو أصل لا في التدوين حرية ولا في الذكري حنين بس يمكن بنهرب من شوية ورق بشوية ورق و آه يا قلب أختبيء بين الضلوع وما خفق !! و نخفي فكرة طرب القلب لسماعها بفكرة تتغني بصوت عالي لجل ما ننسي الطرب ! ما أهوكل حاجة تنفع !
وع الفشار تحط شيكولاتة عشان بس تفقد الاحساس و من فرط الضحك عيونك تدمع و يقولوا عليها دموع فرح ! عادي .. ما اهوكل حاجة تنفع و لا طويلة بيلجّمها كعب و لا القصيرة بتخاف م الفلات
و أدينا عايشين .. فاكرين .. صابرين .. صامدين ...
ومن وسط كل الصالحين يتزرع الشيطان و ما بين العصاة المذنبين يلاقي نفسه الملاك وعلشان تفهم الحكاية لازم تسكت شوية و لمّا دماغك توجعك من كتر التفكير يبقي غلوش و أتكلم كتير ومن كتر الغيظ تتعامل بحب و من ظلم العشق تكره .. .
ما أهو أصل لا في التدوين حرية ولا في الذكري حنين بس يمكن بنهرب من شوية ورق بشوية ورق و آه يا قلب أختبيء بين الضلوع وما خفق !! و نخفي فكرة طرب القلب لسماعها بفكرة تتغني بصوت عالي لجل ما ننسي الطرب ! ما أهوكل حاجة تنفع !
وع الفشار تحط شيكولاتة عشان بس تفقد الاحساس و من فرط الضحك عيونك تدمع و يقولوا عليها دموع فرح ! عادي .. ما اهوكل حاجة تنفع و لا طويلة بيلجّمها كعب و لا القصيرة بتخاف م الفلات
و أدينا عايشين .. فاكرين .. صابرين .. صامدين ...
nice words from heart
ReplyDelete